CONTOH PIDATO BAHASA MADURA

 

Halo teman Bertemu lagi dengan saya kadesnicis yang tak begitu nicis tapi ingin eksis ahahhaa... pada postingan saya kali ini ingin membahas Pidato bahasa madura. Sama dengan pidato dalam Bahasa Indonesia, Madura Juga mempunyai Pidato tapi dalam bahasa Madura. Hehehe...

Sudah tau kan Apa itu Pidato??. Yuk simak dulu arti pidato itu apa..

Menurut Wikipedia Pidato adalah sebuah pengungkapan pikiran dalam bentuk kata-kata yang ditujukan kepada orang banyak untuk menyatakan selamat, menyambut kedatangan tamu, memperingati hari-hari besar tertentu, dan berbagai bentuk kegiatan lainnya.

Pada hakikatnya pidato termasuk seni monolog dalam keterampilan berbicara. Pidato bersifat dua arah, yaitu pembicara harus memperhatikan lawan bicaranya walaupun pembicara lebih banyak mendominasi pembicaraan. Lawan bicara harus mendengarkan pesan-pesan yang disampaikan pembicara baik berupa kata-kata (verbal) atau bukan kata-kata (non verbal) sehingga apa yang disampaikan dapat diterima dipahami dengan sempurna. 

Pidato biasanya disampaikan oleh pemimpin atau orang yang dianggap penting untuk memberikan arahan atau nasihat kepada para pendengarnya, karena fungsi dari pidato adalah untuk memberikan informasi, nasihat, motivasi, peringatan, dan pengetahuan. Agar pidato yang akan disampaikan bisa diterima dengan baik oleh audien, ucapan atau kalimat harus disusun dengan baik dan rapi sesuai dengan kaidah bahasa yang berlaku. Kalimat yang tersusun secara runut dan sistematis supaya enak didengarkan serta dapat memberikan kesan positif bagi orang yang mendengarkan.

Sedangkan menurut Kamus Besar Bahasa Indonesia, Pidato adalah sebuah pengungkapan pikiran ke dalam bentuk kata-kata. Pidato ditujukan kepada orang banyak. Selain itu, pidato adalah wacana yang disiapkan untuk diucapkan di depan khalayak.

Sudah jelas ya apa itu pidato??.

Dibawah ini akan saya berikan contoh Pidato dalam Bahasa Madura.

1.     Contoh Pidato Bahasa Madura Saat Memasrahkan Pengantin Laki-laki.

Assalamualaikum warahmatullahi wabarakatuh...

Parjugaepon ngereng areng-sareng padha asokkor dha’ ajunannepon Guste Allah se maha Agung se ampon aganjar kanekmadan dha’ badan kaula sadaja sampe’ kengen agin-panggin dhalem semo are mangken ka’dhinto.

Mator sakalangkong dha’ taretan bisan se ampon narema badan kaula sabarundhut dhalem kabadha’an jembar panggaliyan ekembari sareng panganggep tor pangesto se sakalangkong nyennengngagi. Badan kaula sabarundhut tak manggi okara se pas-ngeppas ngombi’ essena dhadha ka’dhinto. Dhari sakalangkong bungaepon, sagunong ana’ babandhingnga.

Panyabis are mangken ka’dhinto aropa’agi rentengannepon dhari kadaddiyan bakto se tapongkor. Saponapa bulan se tapongkor badan kaula sabarundhut ampon kengeng edi dari bala kraba e ka’dhinto otamaepon bapa’ H. Subaidi Ahdi kaangguy metthek kembang petthedan se badha e ka’dhinto.

Alhamdulillah are mangken tekka hajat, badan kaula sabarundhut badhi masra’agi kembarannepon. Martabat malathe sareng gaddhing otaba kenanga eajuma daddi dhu’remmek. Badan kaula sabarundhut pasra gulu’ bungkol, malar moga etarema’a kalaban kaestowan. Etarema’a kadi pottrana dibi’ dhu’ remmek moga aro’omana bala kraba sadaja.

Namong jugan parlo ekagali otamaepon sareng bapa’ H. Subaidi Ahdi bab kacong badan kaula ka’dhinto. Kacong badan kaula ka’dhinto ta’ erenggane sareng arta, ta’ erenggane sareng emmas, ta’ erenggane sareng barleyan. Namong badan kaula sareng babbu’na ta’ cokba masenga’ dha’ kacong aropa babulangan ”abantal omba’ asapo’ angen, abantal syahadat asapo’ iman. Malar moga teptep daddiya rerenggana edhalem anglajari kaodhi’an ka’dhinto ta’ cokba tapanggiya sareng omba’ tor angen. Sanaossa kadi ka’dhinto malar moga teptebba syahadat tor iman daddiya bantal tor sapo’na.

Wassalamualaikum warahmatullahi wabarakatuh.

2.     Contoh Pidato atau Sambutan Saat Acara Resepsi Pernikahan.

Assalamualaikum warahmatullahi wabarakatuh..

Bapa’-bapa’, para ebu tor hadirin se molja

Seyang mangken badan kaula kengeng kaparcajaan dhari tareran Ahdi sabarundhut, kengeng kaparcaja’an dhari taretan Arach Djamali sabarundhut dhari kottha Songennep kaangguy tor mator dha’ para bapa’, para ebu, sareng para rabu se molja, se padha rabu e dhalem semo seyang mangken ka’dhinto.

Karja seyang mangken ka’dhinto aropa’agi rentengan dhari kadaddiyan gella’ gu-laggu lerres are minggu tanggal 24 Januari 2021 sonto’ asareng tanggal 11 Jumadil aher 1442 H korang langkong  pokol 08.00 laggu enggi ka’dhinto nekaepon ana’ badan kaula DR. Nur Komariyah, M.PdI pottra bine’epon taretan H. Moh. Ahdi sareng bekallepon DR. Arif Setiawan, M.Pd Pottraepon taretan Arach Djamali, dhalem kabadha’an samporna ta’ manggi aral pan-ponapan.

Esakse’e sareng bala kraba dhari dhuwa’ kalowarga sareng para kanthe se padha kalerresan anyaksene dhalem semo akad neka ka’dhinto. Alhamdulillah...

Para rabu se molja

Bit asmaepon taretan H. Moh. Ahdi sabarundhut sareng taretan K. Arach Djamali sabarundhut. Parjugaepon ngereng padha asokkor dha’ ajunanepon Guste Allah Semaha Agung, Guste Allah se amorba jagat se ampon apareng kane’madan dha’ sadaja ommadda. Otamaepon monggu dha’ badan kaula sareng para rabu sadaja sampe’ kengeng rabu agin-panggin edhalem semo seyang mangken ka’dhinto. Kong-langkong monggu dha’ badan kaula dibi’.

Melaepon arassa tekka hajat kaangguy wa-matowa ana’ noro’ patona oreng. Konglangkong pole, alam dhalem kabadha’an serdhang sakalangkong endha. Arena tar-kataran cajana nera’e alam dunnya, nyarengnge gumbira ate badan kaula.

Para rabu se molja

Langkong arassa gumbira pole, sagunong ana’ ca’epon ca’-oca’an nengale para rabu sadaja padha alonggu jimet jatmeka, sanaossa epalares ka tarop ata’ kajang, sanaossa epalonggu e lencak yot-reyot. Nandha’agi pangestona para rabu dha’ badan kaula sabarundhut. Parmela Dhari ka’dhinto badan kaula banget mator sakalangkong, tadha’ se ebalessagiya. Moga Guste se Amorba jagat langkonga ngagali.

Saka’dhinto jugan dha’ para tatangga sareng para kanthe se ampon padha asengset kaangguy abanto badan kaula, malem korang malemma, seyang korang seyangnga , kalaban tojjuwan nonggal kaangguy masamporna badhaepon karja badan kaula ka’dhinto. Konglangkong nambai kagumbira’an ate badan kaula. Melaepon ngabidi gi’ laggu ampon kapereng ongellepon musik, sannyak tor komenak, eracek pole sareng ongellepon bidhuwan se nyot-ngayot ate, maserna pekker se serbek. Sadajana ka’dhinto, badan kaula sabarundhut ta’ manggi se eyatorragiya, namomg mator sakalangkong se banget rajaepon. Malar moga bisaos Guste se Maha Agung aparenga babales se langkong raja. Amiin….

Para rabu se molja

dhulumanna malem juma’at sanonto are ahad

saestona aba’ ta’ mongkat, sakeng ampon kare ekaneyat

jaja tarona, ja-kaja sakeng dhari terrona

ra’-ora’ balungka’ ora’ jugan namong ora’na balungka’

neyat aba’ ce’ terrona manggiyana para rabu sadaja langkong samporna, namong aba’ ta’ essa Dhari kakorangan, sae se aropa tor-ator, se aropa pamanggi, pangladin sareng laen-laennepon. Parmela Dhari ka’dhinto, badan kaula nyo’on sapora se saraja-rajaepon.

Manabi gunong tenggi jung tenggiyan, manabi sagara dhalem jung dhalemman.

Para rabu se molja

Gi’ badha panyo’on, malar mandar ta’ andaddiyagi busennepon para rabu. Ana’ badan kaula ampon ajajar e kowadhe. Petthedan dhadhuwa’ ampon e pasettong, ebugel sareng tembang kasmaran, e selselle kejung ram-meram. Ba’ baramma pannengnga juko’, nyare blana’ baddhai peltong. Ba’ baramma sennengnga sengko’, nangale ana’ rokon atong.   

Pramela dhari ka’dhinto, malar mandar se kadhuwa ta’ manggiya aral pokpara edhalem anglajari oreppepon. Sampe’a padha ket-tongket roman, rampa’ naong baringin korong e dhalem kaodhi’anna. Manabi kaparengan katoronan, sae lake’, sae bine’, malar moga katoronan se shaleh otaba shaleha enggi ka’dhinto katoronan se lebur ngabakte dha’ oreng towana sareng pangeranna. Katoronan se magunane monggu dha’ bangsa, nagara sareng agama. Amin ya rabbal alamin.

Para rabu se molja

Dha’ ana’ se kadhuwa, sengko’ coma maenga’ baseyadda para seppo e polo dhinna’ reya, malar mandar daddiya jimat sekebba ba’na kadhuwa. Abantal omba’ asapo’ angen, abantal syahadat asapo’ iman.

Oreng odhi’ lakar kappra abantal omba’ asapo’ angen, nangeng syahadat tor iman dha’ se Maha Agung ajja’ sampe’ serna dhari batenna ba’na.

Para rabu se molja

Kadiya cokop saka’dhinto bisaos, saengga badha ator sareng tengka se ta’ sonduk dha’ panggaliyan, badan kaula sabarundhut nyo’on sapora saraja-rajaepon.

Pongkasan pamator, mon gi’ badha ojan panemor, me’ kengeng apergi pole. Mon badha kapareng lanjang omor, me’ kengeng apanggi pole.

Wassalamualaikum warahmatullahi wabarokatuh.

Itulah contoh pidato Bahasa Madura untuk memasrahkan Penganten laki-laki dan pidato sambutan saat pernikahan. Sekian terimakasih.

Share :